प्रिय अभिभावकज्यूहरू र विद्यार्थीहरू,

भक्तेश्वर गाेसाइकुण्ड माध्यमिक विद्यालयबाट हार्दिक अभिवादन!!
म तपाईंहरूलाई यस शान्त शिक्षालयमा स्वागत गर्न पाउँदा अत्यन्तै हर्षित छु, जसले वि.सं. २०३२ मा स्थापना भएदेखि नै गुणस्तरीय शिक्षा प्रदान गर्दै आएको छ। 

भक्तेश्वरमा हामी विद्यार्थीहरूको बहुआयामिक विकासका लागि उपयुक्त वातावरण प्रदान गर्छौं, जहाँ उनीहरूलाई आफ्नो क्षमताहरूलाई उत्कृष्टताको खोजीमा परिचालित गर्न प्रोत्साहित गरिन्छ। बनेपा नगरपालिकाकाे वडा नं. ६, बुडाेलमाअवस्थित यो उदाहरणीय विद्यालयले शैक्षिक तथा अतिरिक्त क्रियाकलापहरूको समायोजन गर्दै विद्यार्थीहरूमा दृढ मूल्यहरूको समावेश गर्न निरन्तर प्रयास गरिरहेको छ। यही अथक मेहनत र समर्पणकै कारण यस विद्यालयलाई बनेपा बुडाेल नजिकका विद्यार्थीहरूका लागि आकर्षणको केन्द्रका रूपमा मान्यता प्राप्त भएको छ।

हामी गुणस्तरीय शिक्षामा विशेष जोड दिइरहेका छौं। नेपालकै प्रतिष्ठित सामुदायिक विद्यालयमध्ये एक नमूना माध्यमिक विद्यालयमा परिणत हुन योग्य र समर्पित जनशक्ति लागिपरिरहेका छन्। यस विद्यालयले सधैं मानव सम्बन्ध र अन्तरव्यक्तिगत व्यवहारलाई विशेष महत्व दिने गरेको छ। हाम्रो कक्षाहरू पूर्णरूपमा डिजिटलाइज्ड छन् र सीसीटीभी क्यामेराको निगरानीमा सञ्चालन भइरहेका छन्।

हामी कक्षा नर्सरी, के.जी. देखि कक्षाा ५ सम्म अंग्रेजी र नेपाली दुवै माध्यमबाट शिक्षा प्रदान गरिरहेका छौं। हालै माथिल्ला कक्षाहरूका लागि इन्टरेक्टिभ प्यानल बोर्डहरू तथा तल्ला कक्षाहरूका लागि स्मार्ट टिभीहरू जडान गरेका छौं।

भक्तेश्वरमा हाम्रो शिक्षण पद्धति विद्यार्थी-केंद्रित छ, जसले गतिविधि-आधारित शिक्षालाई प्रोत्साहित गर्छ र वैज्ञानिक सोच तथा स्वतन्त्र जिज्ञासाको भावना उत्पन्न गराउँछ। हाम्रो पाठ्यक्रममा विद्यार्थीहरूलाई प्राथमिक ध्यान दिइन्छ र प्रत्येक विद्यार्थीलाई सिकाइ प्रक्रियामा संलग्न गरिन्छ। यिनै प्रयासहरूकै कारण हाम्रो विद्यालयले उत्कृष्ट शैक्षिक नतिजा हासिल गर्न सक्षम भएको छ।

 मलाई पूर्ण विश्वास छ कि भक्तेश्वर गाेसाइकुण्ड माध्यमिक विद्यालय दिनप्रतिदिन अझ मजबुत हुँदै जानेछ र विद्यालयको गौरवलाई नयाँ उचाइमा पुर्‍याउनेछ।

धन्यवाद !